BESUTAN

KETHU

(Swara gamelan rancak ngiringi Besut mbeso,nang tengahe panggung. Musik mandheg,Besut monolog)

BESUT           : Assalamu’alaikum dhereeeek..

Eee loo...Besut uluk salam kok sing ngarep-ngarep iki gak jawab see.

Se,tak balenane. Assalamu’alaikum dhereek...

PEMUSIK      : Wa’alaikum salam...

BESUT           : Lha yoh ngunu,lego atiku.

Ana paribasan rekk..

gerdhu papak parimono,ngalor   sithik dalane sepur.

Nek gak tepak benakno,lah nek wis tepak yo muji syukur. La ngunu aaa reekk..

PEMUSIK 1   : Iya Sut...

PEMUSIK 2   : Sut... Sut...

BESUT           : Hemmm..

PEMUSIK 2   : Sut...

BESUT           : Ana apa..?

PEMUSIK 2   : Mlaku-mlaku nang pasar krempyeng.

Onok opo se Sut...gak onok angin gak onok udan koen kok ketok seneng.

Oleh jatah konsumsi dobel tah Sut..

BESUT           : Eloh..sembrono.

PEMUSIK 2   : Loh...aku lak mung takon se Sut...Koen oleh jatah dobel ta gak..?

BESUT           : Ngenyek...lah wong aku  mung embuh ping telu kok.

PEMUSIK 3   : Lahhhhhhhh...layak onok sing keduman rempeyek thok.

BESUT           : Wis..wis mbok ojo digedhek-gedhekna..aku lak yo isin se...

Sakjane aku seneng iki merga janjian ambek kanca akrabku.

PEMUSIK 4   : Kanca akrab sopo Sut..?

BESUT           : Ya Rusmini se..

PEMUSIK 5   : Rusmini sopo Sut..?

BESUT           : Asthagfirulloh hal adzim...Rusmini sing uuuuuuuuuuuuayu iku loh.

Aku semayan sinau bareng nang kantin ngarepe kelas..Koyok lagune Iwan Fals.

(Besut nyopot kethune,diseleh nang dhuwur trap. Besut mlaku nyedak penonton,nyanyi lagune Iwan Fals karo nggaya koyok penyanyi india)

Didepan kantin kelasku

Disana dik Rusmini sedang menunggu

Usai dentang bel sekolah

Aku nikmati berdua

(Besut mlaku saya nyedaki penonton,lungguh kaya wong nglamun)

BESUT           : Rus......Rusmini......Rus....

(Pas Besut nglamun,ana pawongan kemulan sarung,mlaku kalem-kalem njupuk kethune Besut,banjur mblayu metu)

BESUT           : Loh...nang endhi kethuku.

Mak...kethune Besut ilang mak...dudu Besut maneh nek ora nganggo kethu.

Awan bengi gak bakalan aku iso turu. Sopo sing tego nyolong kethuku.

(Musik sedih nggrayap mecahne batin,Besut saya sedih.Teka adoh,silir-silir swara Rusmini nyeluk-nyeluk Besut. Besut saya bingung,ngusap eluh mripate kuwatir Rusmini ngerteni)

RUSMINI       : Cak.....Cak Besut.....Cak..

(Rusmini nyawang Besut lungguh nyingkur)

RUSMINI       : Oh..lah iki opo arek’e. Dienteni nang kantin gak teka-teka.

BESUT           : (Meneng nahan tangise)

RUSMINI       : Wingi pena dheweke sing ngajak ketemuan nang kantin janjine arep ngulangi

nggarap tugas sekolah. Tibake...huh..endi janjimu cak.

BESUT           : (Nangis sengguk-sengguk) Rus...nang kantin ae yo,aku karo tukokno es teh.

RUSMINI       : Es,the...es teh...yo, sampek tehler aku ngenteni.

BESUT           : (Nangis kalem)

RUSMINI       : Lo...cak..lah lapo sampean sing nangis,mesthine aku sing nangis se..cak Besut.

BESUT           : (Nangis swarane tambah banter)

RUSMINI       : Loh...loh.. kok tangise tambah ngegas. Wis cak,aku gak muring-muring.

BESUT           : (Nangis Banter)

RUSMINI       : Cak...cak Besut...cup-cup aja nangis,aku njalok sepuro nek ngomong kasar nang

sampean cak.

BESUT           : Aku sing luput Rus...gak ngugemi janji. Iki kabeh gara-gara.....

RUSMINI       : Gara-gara opo cak Besut..?

BESUT           : Gara-gara...

RUSMINI       : Opo cak..?

BESUT           : (Ambekan gedhe)

(Musik mengalun)

RUSMINI       : Oh cak Besut,cak...kenek opo sampean gak teko.

BESUT           : Anane aku gak teko Rus,merga atiku nelangsa.

RUSMINI       : Oh cak Besut,cak kenek opo sampean kok nelangsa.

BESUT           : Anane aku nelangsa Rus,amarga kethuku gak onok.

(Musik mandheg,Rusmini kaget)

RUSMINI       : Loh...kethu sampean gak onok,sampean deleh nang endhi cak..?

BESUT           : Kethuku ilang Rus...

RUSMINI       : Ilang cak ? (Kaget)

BESUT           : Iyo Rus...dicucuk maling. Mangkane aku sedih.

RUSMINI       : Wah..iki gak iso dijarno.Malinge kudu dicekel.

BESUT           : Piye carane Rus..?

RUSMINI       : (Mikir) nah,carane ngene cak..(mbisiki Besut)

BESUT           : Oke Rus..

(Musik banter,Rusmini mlebu,Besut ndelik,awake ditutupi kain. Sumo gambar metu ambek joget,atine seneng)

(Musik swarane kalem)

SUMO GAMBAR     : Yess..akhire kethune Besut ana ing tanganku.

Jarene sapa wae sing nggawa kethune Besut,bakal dadi pinter.Ha...ha..haaa.

(Musik nanjak banter,Sumo Gambar joget maneh,tapi musik mandheg ndadag. Sumo Gambar ndelok bekakas sing ditutupi kain)

SUMO GAMBAR     : Loh...bekakas opo iku..?

Kok njemunuk putih.Iku wong ta setan..

MUSIK                       : Setan...

SUMO GAMBAR     : Alah...ojo medeni tah rek...kok pikir aku wedi tah..

elek-elek ngene,nek trimo yo ra mundur.

MUSIK                       : Yo mesti ae,lah rupamu luwih elek timbang setane.

(Sumo Gambar menthelengi bekakas sing ditutupi kain.Sumo Gambar curiga)

SUMO GAMBAR     : Wah...nek ndelok njemunuke koyoke setan. Se..tak bukak’e.

(Sumo Gambar mbukak kain,tibake Besut. Sumo Gambar kaget)

BESUT                       : Mo...

SUMO GAMBAR     : Loh...koen Sut.

BESUT                       : Ngunu tah kelakuanmu Mo...

SUMO GAMBAR     : Cincing-cincing gak wurung teles,

Yo..tak akoni aku sing njupuk kethumu.Nek wis eruh arep opo koen..?

BESUT                       : Loh..nantang koen Mo..

Nginduh gedhang dithetheli,nek koen nantang yo tak ladeni.

SUMO GAMBAR     : Tuku rujak lombok telu,nek arep nyacak tokno kekuatanmu.

(Sumo gambar karo  Besut tukaran,Rusmini teka.Sumo Gambar kisinan terus mlayu)

(Akhire,Besut menang,Besut lan Sumo gambar moleh nang omahe dewe-dewe.Ing tengah perjalanan, pas Sumo Gambar ngliwati kali Miren nggunung.Konon kali iku gelek digawe adus bidadari)

SUMO GAMBAR     : (kaget) Wih..opo iku ? (ngucek-ngucek moto)

 ngipi ta gak aku..sopo sing adus iku ?

Ladalah...bidadari iku..Wah iyo,bidadari iku.

(Sumo Gambar nduwe ide pingin njupuk sewor bidadari supoyo bidadarine ora iso mbalek lan Sumo Gambar nduwe niat mamerne nang Besut)

SUMO GAMBAR     : (Mlaku indik-indik njupuk siwure bidadari)

Wah..kudu pinter-pinter milih iki.kiro-kiro sing endi yo bidadari sing paling ayu?

(akhire Sumo Gambar njupuk siwur sing warna abang)

BIDADARI 1          : Mbak-mbak...iki wis sore mbak,ayo moleh..engkok didukani Bunda Ratu.

BIDADARI 2          : Wah..iyo dek..ayo cepetan..!

BIDADARI 1,3,4,5 : ayo..ayo..(bergegas njupuk siwure dewe-dewe)

BIDADARI 4          : Loh...mbak..sik mbak, mbak..engko sek mbak..mbak..

BIDADARI 3          : Ono opo ono opo...ayo cepet..selak sore.

BIDADARI 4          : Mbak..siwurku mbak..ilang..

BIDADARI 2          : La mbok deleh endi to dek..?

BIDADARI 5          : Iyo,mbok deleh endi..?

BIDADARI 4          : Maeng tak deleh kene mbak..kok gak onok..(bingung)

BIDADARI 2          : Yo wis,ngene ae,sampean tak tinggal disek yo dek yo..

BIDADARI 1          : Iyo,amergo iki wis sore mengko raisok mbalek maneh,lek luwih teko jam 5

BIDADARI 4          : La terus..aku piye mbak..?

BIDADARI 2          : Ngene dek,sampean goleki disek..mene jam 3 tak susul nang kene.

                                   Gak popo to..?

BIDADARI 4          : Iyo wis mbak..aku rapopo.

(Soundtrack : lagu aku rapopo_jupe)

(Bidadari mbalek nang kayangan,Bidadari 4 kijenan. Nangis nang pinggir kali. Sumo Gambar marani)

SUMO GAMBAR  : (nginceng-nginceng ra wani ndemok)

BIDADARI 4          : (nangis gak mandheg-mandheg)

SUMO GAMBAR  : Dek..(njawil-njawil) dek dek..(njawil maneh)..dhekkkk..

BIDADARI 4          : (Kaget)..(tambah nangis banter)

SUMO GAMBAR  : Loh dek..ojo nangis dek.kok tambah banter sampean.

BIDADARI 4          : Koen iku sopo..? (ngusap banyu moto)

SUMO GAMBAR  : Kenalke..

Aku Sumo gambar widyo kusumo prasetyo minongko mangkubumi kier kier.

Aku cah paling ngguuuanteng teko pucuk kono sampek pucuk kene.

BIDADARI 4          : Weleh weleh...sampean iku nduwe jeneng kok koyok sepur.

duowo eram.Lha terus,aku nyeluke sampeyan piye cak..?

SUMO GAMBAR  : Sumo Gambar dek..(ambek mbenakno rambute)

BIDADARI 4          : O...Iyo cak,ono opo sampean mrene ?

SUMO GAMBAR     : Loh...la aku ngerti sampean nangis dek..ora tego aku. Yo tak parani,   laopo sampean nangis..?

BIDADARI 4             : (nangis maneh) cibukku cak...cibukku..ilang.

Aku raiso muleh nang kayangan,aku ditinggal dulur-dulurku..

SUMO GAMBAR     : Oooo...ngunu.(mbek ngedipi penonton)

yowes,sampean iso manggon nang gubuk sebelah kunu.

aku tak nggoleki  siwure sampean sing ilang.

BIDADARI 4             : Iyo wes cak..tak enteni nang gubuk iku. Temen yo cak,temokno siwurku.

SUMO GAMBAR     : Tenang dek...ketemu ketemu.

(Sumo gambar mlaku ninggalke bidadari 4. Ing dalan,Sumo gambar ketemu Besut)

BESUT                       : Lho...koen maneh Mo..cik wanine koen ngetok nang ngarepku.

SUMO GAMBAR     : Sek sek..ngene ngene ngene..kok kebetulan kepethok awakmu Sut..Tenang ae Sut,aku gak bakalan nggarai Rusmini maneh.Aku wis nduwe sing luwih ayu soko Rusmini.

BESUT                       : (Ngguyu ngakak). Alah alah Mo...Sumo.

Potonganmu koyok celeng ae iso oleh arek wedok ayu.

SUMO GAMBAR     : Lho..ngece. yowes, mene tak duduhi sampean.

(Isuke,Sumo Gambar ngajak besut marani bidadari 4)

Sak tekone ing kali.....

BESUT                       : Hoalah Mo...Sumo..kok kebacute awakmu ketemuan nang kali.

Kok gak Romantis blas.

SUMO GAMBAR     : Wis wis,menengo koen. Iko lho areke..ayu ya..

BESUT                       : Wkkkkkk...Ya Allah Mo..Sumo,wong  arek gak kethok praene  kok iso         

mbok arani ayu. Ayu tekok gigimu aa..

           

SUMO GAMBAR     : Kandani menengo disek kok..(mbek kisinan).Ayo diparani.

(Sumo Gambar nyopo Bidadari 4)

SUMO GAMBAR     : Dek...dek wingi.

BESUT                       : Lo lo lo...kok isok’e mbok celok dek wingi (heran)

SUMO GAMBAR     : Loalah...la ancene aku ketemune dek wingi ee...gorong sempet takok jenenge.yowes,tak celok dek wingi. (koyok wong goblok)

BIDADARI 4             : Eeee...cak Sumo Gambar,yokpiye cak wes ketemu siwurku..?

SUMO GAMBAR     : Ngene lo dek,masalahe aku ora eroh yokpiye bentuke siwure sampean.Wong kabeh yo nduwe siwur dek..

BIDADARI 4             : La terus piye cak..lak yo gak iso mbalek nang kayangan aku cak.

(Besut langsung nyaut omongan)

BESUT                       : Iso dek..sampean iso mbalek nang kayangan. Tapi onok syarate..

BIDADARI 4             : Opo cak..?

BESUT                       : Sampean kudu mbukak cadare sampean.

BIDADARI 4             : Emoh cak...aku isin cak..

(Soundtrack : lagu topeng_peterpan)

(Akhire,Bidadari 4 mbukak cadare)

Sakwise dibuka....

BESUT,SUMO GAMBAR,BIDADARI 4 : (Podo kagete,podo mencolote)

BESUT                       : (Ngguyu ngakak)

SUMO GAMBAR     : (Kisinan,nguncalno siwure nang bidadari 4)..wes nyoh..tak baleke siwurmu.

....................................................................................................................................................................

YAAAAAAAAAAAA'ËEEEE